Midzë zabëtkòwima wagònama nié blós lubòtnicë banu bãdą mòglë mileczno spãdzëc czas.
Mùzeùm Banu w Kòscérznie przë szasëje Towarowi rôczi na piątk drëdżégò maja na „Majówkã w Lokòmòtiwòwnie”. Òd gòdzënë dzesąti przed pôłnim do piąti pò pôłnim na teren mùzeùm bãdze wòlny wstãp, a przërëchtowóné òstóną atrakcje tak dlô młodszich jak dlô stôrszich. Òkróm òbzéraniô zabëtkòwëch banów i drezynów niechtërnyma bãdze szło sã przejachac. Òrganizowóné téż bãdą warkòwnie dlô dzecy, spòrtowé kònkùrencje dlô rodzëznów, a òd pierszi pò pôłnim w stôrëch wagònach rozegróny bãdze turniér w baszkã ò Pùchar Bùrméstra Gardu Kòscérzna. Zapisë na turniér bãdą w dzéń jegò rozgriwaniô i mdze na to czas do pôłniô. Na festin rôczi Mùzeùm Banu, Mùzeùm Kòscérsczi Zemi a téż miesczi samòrząd.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie