Decyzjô sądu w Warszawie pòzwòlëła na znowienié strzimónégò piãc lat slôdë remòntu.
Przédny Administracjowi Sąd w Warszawie rozsądzył warającą òd piãc lat sprawã òdbùdowë Dërszewsczégò Mòstu. W dwa tësące dzewiãtnôstim rokù tamtoczasny wòjewódzczi kònserwatór zabëtków strzimôł jegò remònt zaczãti przez dërszewsczi kréz. Przëczëną miałë bëc planë rozbiérczi stôrëch przãsłów. Wedle nowégò rozsądzënkù kònserwatór ni miôł rëchtu, a òdbùdowa mającégò ju wnetka sto sétmëdzesąt lat mòstu mòże òstac znowionô. W piątk sztërnôstégò gromicznika w Dërszewie mòst òbzérała wiceminister Bòżena Żelazkòwskô, jakô je Przédną Kònserwatorką Zabëtków kòl Ministerstwa Kùlturë i Nôrodny Spôdkòwiznë. Pòtkała sã tam z dërszewsczim starostą Mirosławã Aùgùstinã i jinszima przedstôwcama krézowëch wëszëznów. Gôdelë ò financowanim remòntu i ògłoszonym ùtrôpie na demòntôż kòntrowersjowëch przãsłów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie