Nôleżnicë sektë Lew Tahor próbòwelë zabrac dzecy nazôd na swòje gbùrstwò, ale władze nalazłë wszëtczich pòrwónëch z òstrzôdka òpieczi.
Pòlicjô w Gwatemalë w piątk 20. gòdnika zòrganizowała akcjã przejãcô 160 sztëk dzecy i nôscelatków z gbùrstwa w Oratoria niedalek stolëcë kraju, słëchającégò do òrtodoksjowi żëdowsczi sektë Lew Tahor, òbskarżiwóny ò hańdel lëdzama, przëmùszanié dzecy do żeńbë z dozdrzeniałima, a téż fizycznã przemògã. Szandarowie pòdjãlë tã decyzjã pò tim, jak sztërzech nieùstnëch zwiornãło z gbùrstwa i dało służbóm znac ò stojiznie w régach sektë. W niedzelã 22. gòdnika ji nôleżnicë protestowelë pòd centrum òpieczi w Gardze Gwatemali, niechtërny téż wdzerlë sã bënë bùdinkù i zabrelë z niegò czile dzecy zabrónëch sekce i tam dozérónëch. Do wtórkù 24. gòdnika szandarzë nazôd òdzwëskelë wszëtczé te dzecë i zapòwiedzelë wzmòcnienié òchronë kòl òstrzódków.
Przédnicë Lew Tahor òbwiniają rząd Gwatemalë ò religiowé ùstëgòwanié. Przedstôwcowie Żëdowsczi Pòspólnotë Gwatemalë òdcynają sã òd dzejaniów sektë i wspiérają dzejania rządu w célu òbarnë nieùstnëch.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie