Trzëdzescëlatnô kradélcka sama òddała sprzãt szandaróm, czej ti przëjachelë do ji mieszkaniô. Bëlë tam równak w jinszi sprawie.
Na zôczątkù gromicznika më piselë ò kradzeżë defibrilatora za kòl dwanôsce tësący złotëch z bùdinkù Lidla w Bëtowie. Przez wnetka miesąc pòlicje nie ùdało sã nalezc kradélca ani sprzãtu. Terô równak sprawã sama sã rozrzeszëła, czedë szandarzë przejachelë dodóm do trzëdzescë lat stôri białczi, żebë zabrac jã do aresztu za wczasniészé przesprawë. Ta równak, czej ùzdrzała szandarów, przëznała sã do kradzeżë defibrilatora i òddała jima ùrządzenié. Bëła ti dbë, że prawie pò to przëjachelë. Nie rozmiała rzec, dlôcze ùkradła defibrilatór, bò bëła tej pòd cëskã narkòtików. Szandarzë przewiezlë jã do aresztu. Za wczasniészé winë białka pòsedzy sztërdzescë sztërë dni, ale żelë pòcwierdzy sã, że pò prôwdze òna pòd kùńc stëcznika zabrała defibrilatór z krómù kòl Gduńsczi szasëje, mòże dostac za to nawetka piãc lat. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie