W sétmë miónkach biôtkòwało wnetka òsmëdzesąt żeglarzów zjachónëch z Pòmòrzégò i jinëch dzélów pòlsczégò państwa.
W weekend dwanôstégò i trzënôstégò łżëkwiata na Charzëkòwsczim Jezorze kòl Nôrodnégò Parkù „Tëchòlsczé Bòrë” niedalek Chòniców bëłë zrëchtowóné regatë z leżnoscë òdemkniãcô sezonu. Rozegracjã òrganizowało Lëdowé Spòrtowé Karno Charzëkòwë. Bëlné wiodro pòzwòlëło na dobré wëzwëskanié czasu namienionégò na miónczi. Kòmisjô òbsãdzëcélów przeprowadzëła sétmë miónków, sztërë w sobòtã i trzë w niedzelã, w jaczich ùdzél wzãło sétmëdzesąt dzewiãc ùczãstników zjachónëch z całi nordowi Pòlsczi. Wëstąpilë żeglarze z Chòniców, Charzëkòwów, Gdinie, Sopòtu, Bëdgòszczë, Tornia, Stargardu, Szczecëna, a nawetka z Giżëcka i Tolkmicka. Próbòwelë sył w klasach 420 i Optimist. Przédnym òbsãdzëcélã regatów béł Wòjcech Rolbiecczi z charzëkòwsczégò karna.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie