Reklama

Do kùńca rokù òdemkną pòstãpną wirtualną strzélnicã

Klëka

05/11/2025 09:38

Program Ministerstwa Nôrodny Òbarnë „Strzélnica w krézu” łoni pòzwòlił òdemknąc szkòłową strzélnicã w Kartuzach, a pòd kùńc rokù mô jã dostac Pruszcz.

W Karnie Ògardniczëch i Òglowòsztôłcącëch Szkół w Pruszczu do kùńca rokù mô pòwstac wirtualnô strzélnica – pierszô w gduńsczim krézu. Wëszëznë krézu ùwidzałë so jednã z tamecznëch zalów, w jaczi nie je nót remòntu. Specjalny wëskrzëniwôcz i elektroniczny systém mają pòzwòlëc na symùlowanié strzałów na dłudżé distanse, nawet do sto métrów, nimò że sama zala je le czile métrów długô. Bãdze szło tam wëpróbòwac tak długą jak krótką barniã. Na strzélnicë zajmë z edukacje dlô bezpiekù bãdą mòglë miec ùczniowie ze szkół gduńsczégò krézu, ale bãdze téż ùprzëstãpniwónô na wòjskòwé cwiczenia, na przëmiar Wòjsków Teritorialny Òbarnë. Przërëchtowanié zalë bãdze kòształo trzësta tësący złotëch. Jednã trzecą zapłacy gduńsczi kréz, a néga bãdze sfinancowónô z programù Ministerstwa Nôrodny Òbarnë.

H.S.Sz.