Infòrmacjã ò dobëcym Trumpa pòdała amerikańskô prasowô agencjô Associated Press.
Agencjô Associated Press pòdała we strzodã 6. smùtana, że we welacje na 47. prezydenta Zjednónëch Stanów kandidat partie repùblikanów Donald Trump dobéł 277 elektorsczich głosów i mô ò sétmë wicy jak minimalnô lëczba brëkòwnô do dobëcô. Kandidatka demòkratów Kamala Harris wëbiôtkòwała 244 głosë. Agencjô ògłosëła tej, że dobiwcą latosëch welacjów òstôł Donald Trump, chtëren béł prezydentã USA w latach 2017-2021. Nowi prezydent mô bëc zaprzësygłi do 20 stëcznika 2025 rokù, wrôcającë na prezydencczi zésel pò 4 latach paùzë.
Òficjalné rezultatë welacje mają bëc zacwierdzoné przez Elektorsczé Kòlegium do 17. gòdnika, a òficjalné ògłoszenié nowégò prezydenta bãdze dopiérze na zôczątkù przińdnégò rokù, 6 stëcznika.
Trump ju zaczął fejrowanié swòji zwënédżi i òdebrôł gratulacje òd swiatowëch wódców.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie