Wedle chińsczégò kalãdarza 29. stëcznika 2025 to kùńc rokù smòka, a zaczãcé rokù wãża. Dlô lëdzy ze Wschódny Azje je to wôżné swiãto z leżnoscą do zetkaniów i fejrowaniô.
We strzodã 29. stëcznika zaczinô sã Chińsczi Nowi Rok. Tradicjowò w Chinach witô sã gò piãtnôscedniowim fejrowanim z paradama, pòtkaniama rodzëznowima i kùlturalnyma, a na całim swiece zôczątk Chińsczégò Nowégò Rokù je swiãtã dlô lëdzy pòchôdającëch ze wschòdny Azje. Wedle chińsczégò kalãdarza kòżdémù rokòwi patronëje apartny merk zodiakù, jaczich razã je 12. Jaż do zaczãcö pòstãpnégò rokù, to je do 17. gromicznika 2026, bãdze dérowało patronowanié wãża – lëdze ùrodzony w jegò latach mają bëc samòstójny, dzyrżczi w dobiwanim zôwadów i chitri w syganim swòjich célów. Dodôwkòwò temù rokòwi patronëje drzewò jakno jeden òd piãc chińsczich bôłdzów – symbòlizëje robòcosc, kreatiwnosc i pragniączkã stójnotë. Kómbinacjô jednégò merkù i bôłdzë pòwtôrzô sã co 60 lat.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie