Òd kùńca latoségò rokù państwòwô wëcmanizna PostNord bãdze zajimała sã ju blós paczétama.
Pòcztowô wëcmanizna PostNord, wespółdzelonô przez òrganë państwa Duńsczi i Szwédzczi, kùńczi z dotëgòwiwanim lëstów w Duńsce. Do kùńca latoségò rokù wëcmanizna mô cawno sã przejinaczëc w kùrierską firmã, bò Dunowie dzysdnia wëséłają corôzka mni lëstów. Òd dwatësącznégò rokù béł spôdk ò wicy jak dzewiãcdzesąt procent. Kòl dzewiãcdzesąt piãc procent Dunów brëkùje ju blós elektroniczny pòcztë. Do tegò zjinaczi w pòcztowim prawie z łońsczégò rokù òdemkłë rënk na kònkùrencjã priwatnëch firmów, a téż przëwrócëłë pòdatk VAT na lëstë, przez co wësłanié lëstu kòsztëje dzys dwadzescë dzewiãc duńsczich kòrón, równoznaczënã przez szesnôsce złotëch. Zjinaka dotknie téż brifków: kòl tësąc piãcset nôgwësni stracy robòtã. Szwédzczi dzél PostNordu nie jidze dargą Duńsczi. Brifkòwie dali bãdą dotëgòwëwac lëstë co dwa dni, wedle dotëchczasny systemë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie