Ùrząd Gminë òstrzégô przed zwierzãtama i prosy ò zgłosziwanié, żelë chtos je ùzdrzi. Slédnym razã bëłë widzóné kòl Pôłczna.
We strzodã reno 27. smùtana gmina Stëdnice dała òstrzégã ò dwùch agresywnëch psach, jaczé bëłë widzóné w òkòlim wsë Pôłczno. Zgłoszenia trafiłë do służbów w pòniedzôłk i wtórk. Jak pòdôwô samòrządzëna, wanożącé mët zwierzãta jidze letkò pòznac pò serzchlë: jeden je biôłi, drëdżi czôrny. Nie je wiedzec, skądka przëlazłë. W Pôłcznie zaatakòwałë jedno dzeckò, ale ùdało sã je òdnëkac. Wójt gminë Stëdnice Bògdón Ris òstrzégô: „Nie wiémë, gdze òne terô są. Psë wanożą, rozmieją w krótczim czasu przéńc długą drogã. Prosymë ò zachòwanié bôczlëwòscë”.
Żelë chtos ùzdrzi dwa chòdzącé lózã psë, biôłégò i czôrnégò, je proszony ò kòntakt z Ùrzãdã Gminë pòd numrã 598 216 606. Zagrôżbą zajimną sã rakarze. Miéwca psów – żelë òstónie nalazłi – mòże òstac pòcygniony do òdpòwiedzalnotë za jich niedopilowanié.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie