Reklama

Dwadzesce lat dlô sopòcczégò mòrdarza

Klëka

13/12/2025 15:45

Òb czas zbrodnie sprôwca béł spiti i miôł przë se narkòticzi. Òb czas procesu gôdôł, że ni miôł ùdbóné nikògò zabic.

Òkrãgòwi Sąd we Gduńskù w piątk dwanôstégò gòdnika wëdôł wërok w sprawie dwadzescejedenlatnégò Maksymiliana S., jaczi łoni w zélnikù zabił dwadzescesztërëlatnégò Jakùba Semiątkòwsczégò, tenistã i sztudérã. Spiti sprôwca zepchnął òfiarã na sztrëkã pòd nadjéżdżającą banã w Sopòce. Òb czas ògłôszaniô wërokù na zalë bëła rodzëzna i znajomi zabitégò. Mòrdôrz òstôł skôzóny nié blós za zabicé, ale téż za miecé narkòtikôw. W sëmie dostôł dwadzesce lat i trzë miesące sòdzë, a òkróm tegò òbrzészk zapłaceniô pò sto tësący złotëch dwùm blisczim zabitégò. Òb czas sztrôfë przesprôwca bãdze téż chòdzył na terapiã, bò je ùzanôleżniony òd narkòtików. Ò wczasniészé zwòlnienié bãdze mógł miec starã pò òdsedzenim w sôdzë sztërnôsce lat.

H.S.Sz.