Reklama

Dwanôscelôtkòwie na dosmiertną sôdzã

Klëka

17/04/2026 08:43

Prezydent Slawadoru N. Bukele. Òdj. AndreX; zdrzódło: https://pl.wikipedia.org/wiki/Nayib_Bukele#/media/Plik:Presidente_Bukele_(cropped).jpg

Żebë biôtkòwac z przesprôwcama i przemògą ze starnë gangów, rząd Salwadoru dërch zaòstrzô prawò. Terô wzął sã za nôscelôtków.

Òd sztërzech lat w Salwadorze je trzimóny apartny ùstôw dlô biôtczi z przesprawim. Niechtërne òbëwatelsczé prawa òstałë ògrańczoné, a wicy prôw przëznelë szandaróm i wòjskù. Miôł dérowac trzëdzescë dni, ale wiele razy béł òdnôwióny. Dzewiãcdzesąt tësący lëdzy òstało przez ten czas wsadzoné so sôdzów i dzysdnia je w nich wnet dwa procent lëdztwa w kraju, co je jednym z nôwëższich wskazów na swiece. Wiele òsób je trzimónëch bez procesów, abò skôzelë jich masowò, nòwicy trzë lata dowsladë z dzewiãcset sądzonyma narôz. Terô rząd przëjimnął pòprôwkã do kònstitucje, jakô mô pòzwòlëc na biôtkã z przesprawim ù młodëch, òsoblëwie nôleżącëch do gangów. Òdtądka dzecë dwanôsce lat stôré mògą dostac dosmiertną sôdzã za mòrdarstwò, terrorizm abò gwôłt. Zjinaka ta zaczãła bëc wprowôdzónô w strëmiannikù, terô òsta sfòrmalizowónô, a w żëcé wéńdze dwadzestégò szóstégò łżëkwiata. UNICEF protestowôł procëm zjinace i gôdôł, że w apartnëch stojiznach, czedë mùsz je ùsadzëc nieùstnégò, wikszi cësk mùszi kłasc na resocjalizacjã. Séłôł do salwadorsczégò rządu pòdôwczi, wedle jaczich nigdë ùmòżebnienié skazywaniô dzecy na tak dłudżé wëroczi nie dało wikszégò cëskù na stãpiéń przesprawiô w państwie. To wszëtkò równak rządu nie przekònało.

H.S.Sz.

Źródło i opracowanie własne Aktualizacja: 17/04/2026 09:48