Dwadzesce jeden patrónów òstało ju zabezpieczoné i zabróné z placu przez sapérów.
W piątk sztërnôstégò strëmiannika reno szandarzë z Kòmisariatu Pòlicje w Główczëcach dostelë zgłoszenié ò nalézenim niewëbùchów przes lasewëch w gminie Damnica w słëpsczim krézu. Szandarzë pòjachelë na wskôzóny môl w lasu w grańcach wsë Biãcëno. Pò òbezdrzenim niewëbùchów i gôdce z lasewima doznelë sã, że tak pò prôwdze niewëbùchë mùszałë nalezc dzëczi – to òne wëkòpałë patrónë spòd zemi. Jak scwierdzëlë pirotechnicë, bëło to dwadzesce jeden patrónów ze strzélôka minów z drëdżi swiatowi wòjnë. Szandarzë zabezpieczëlë òkòlé. Wezwóny òddzél sapérów pò czile gòdzënach przëjachôł na plac i zabezpiecził niewëbùchë. W zdarzenim nie ùcerpiôł niżóden człowiek ani dzëk. Las w Biãcënie ju je bezpieczny.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie