Reklama
Dzesãc tón kòkajinë na bôce przechwôconé
26/09/2025 09:14
Gwinejskô Hôwinga, na jaczi ùdało sã zatrzëmac bôt z narkòtikã, to jeden z nôaktiwniészich rejonów szmùglowników narkòtików na swiece.
Francësczi marinarce służący na Gwinejsczi Hôwindze w òbrëmim dérëjący òd dzewiãcdzesątëch lat ùszłégò stalatégò òperacje Corymbe w pòniedzôłk dwadzestégò drëdżégò séwnika ùdało sã we dwa òkrãtë przechwacëc niezaregistrowóny rëbacczi bôt, na jaczim szmùglownicë wiezlë kòl dzesãc tón kòkajinë z Pôłniowi Americzi ò wôrtnoscë piãcset dzewiãtnôsce miliónów eùro, równoznaczënie kòl dwùch miliardów dwasta piãtnôsce miliónów złotëch. Òperacjô na òdemkłim mòrzu zaczãła sã pò przekôzanim frańcuzóm wiadë ò bôce przez służbë mòrsczi wëdowiédzë i britijską agencją do biôtczi ze zòrganizowónym przesprawim. Francëskô òkrãtowizna pòdała do wiadë, że òd zôczątkù rokù na Gwinejsczi Hôwindze mô ju przejimniãté piãcdzesąt sztërë tónë narkòtików – dzysdnia je to jedna z nôaktiwniészich mòrsczich òbéńdów dzejaniô szmùglowników, hańdlarzi narkòtików a téż piratów, a òd czile miesący ta aktiwnosc sã wërazno zwikszëła.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze