Reklama

Dzewiãtnôsce wëkrëtëch narëszeniów pòlsczi grańcë

Klëka

11/09/2025 12:06

Òperacjowé Wództwò Ôrtów Zbrojnëch Sëłów przekôzało, że pòlsczémù wòjskù ùdało sã zestrzelëc wrodżé òbiektë, jaczé wlecałë w òbéńdã pòlsczégò nieba.

W nocë ze wtórkù dzewiątégò na strzodã dzesątégò séwnika pòlsczé systemë procëmlatawny òbarnë zanotérowałë dzewiãtnôsce przëtrôfków narëszeniów pòlsczi lëftowi rëmie przez rusczé dronë. Òbiektë zostałe zestrzeloné, a jich néżczi òstałë nalazłë dotądka w szestnôsce môlëznach, w tim nôblëżi Kaszub w Òlesnicë w warmińkò-mazursczim wòjewództwie, piãc kilométrów òd grańcë z pòmòrsczim. Nicht nie zdżinął ani nie béł reniony, ale w czile gòspòdarstwach dronë sprawiłë materialné zaszkòdë. W sejmòwim wëstąpienim premiéra Pòlsczi Donald Tusk przedstawił ùstaloną wersjã zdarzeniów i zapòwiedzôł zdecydowaną reakcjã na zòrganizowóną akcjã Rusczi Federacje – takô wielëna narëszeniów grańcë, i to przez dronë nadlatiwającë z teritorium Biôłorusczi, a nié blós Ùkrajinë jak dotądka, swiôdczi ò tim, że stojizna je pòwôżnô. Szef rządu zapòwiedzôł wespólné dzejanié razã z prezydentã Nawrocczim i z radzëzną ministrów. Zapòwiedzôł złożenié wnióskù ò ùrësznienié czwiôrtégò artikla Nordowòatlanticczégò Traktatu.

H.S.Sz.