Bùdinczi słëchającé firmie zajimający sã ùprawą biélów zajãłë sã płomieniama. Òdżin zagrôżôł téż sąsedny chëczë.
W niedzelã trzënôstégò łżëkwiata w Czerskù przë sztrase Lasowi krótkò pò gòdzënie piąti reno wëbùchł òdżin na terenie jednégò z zakładów. Ùprôwióné tam bëłë biéle (pieczarzëce). Ògniarze dostelë zgłoszenie ò ògniu i wësłelë na plac półk Państwòwi Ògniowi Starżë z Czerska, a téż półczi dobrowòlny starżë z Czerska, Ritla, Krziża i Malachina. Jak przëjachałë, płomienie miałë ju zajimniãté kòcłowniã, gòspòdarczi bùdink i kòntener. Ògniarze ùżëlë piãc strëmieniów wòdë, dzãka czemù ùdało sã òdżin ùgasëc, niglë płomienie zajãłë chëcz, jakô stôjała kòl zakładu. Nicht nie béł reniony. Stratë dlô biélarnie òstałë òbtaksowóné na szescdzesąt tësący złotëch.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie