Reklama

Òdżin w chléwnie w Kôrsënie

Klëka

19/11/2025 08:30

Òdj. z facebookòwi starnë OSP WIELE - JOT

Spôlëło sã wiele zwierzãt, nôwicy strzódë. Stratë są téż w sprzãce. Dwie trzecé wôrtnoscë gbùrstwa je straconé.

W pòniedzôłk sétmënôstégò smùtana òd rena w Kôrsënie ògniowô starżô biôtkòwała z ògniã, jaczi wëbùchł w tameczny chléwnie kòl czwiôrti reno. Akcjô dérowała do piąti pò pôłnim. Ùdzél w ni brało trzënôscë ògniarsczich półków z kòscérsczégò i chònicczégò krézu. Ùdało jim sã na tëli strzëmac òdżin, że nie rozkòscérził sã na stojącą krótkò chëcz. Padło szestnôsce swiniów i parsãt a téż trzë bùle. Òsmëdzesąt sztërë swinie i parsãta, dzewiãtnôsce krów i bùlów a sztërnôsce kòni ògniarze ùretelë. Zeżôlëłë sã aùtołë, gbùrsczé maszinë, dwa trekrë i sprzãtë w chléwnie. Nôdłużi ògniarzóm zajimnãło wëcyganié płonący słomë, kòl dwasta balotów – mùszelë to robic rãczno i w procëmdëmòwim ekwipùnkù, bò warënczi nie pòzwòlëłë na ùżëcé mechanicznégò sprzãtu. Stratë òbtaksowelë na dwa miliónë złotëch, a wôrtnosc ùretónégò majątkù na milión. Przëczënów ògnia jesz ni ma wiedzec.

H.S.Sz.