W nocnym ògniu zdżinãło kòl 26 zwierzãt, a jinszé pòùcekałë z pôlącëch sã bùdinków . Schroniszcze òdemkło zbiérkã na òdbùdowã zniszczonëch òbiektów.
W piątk 17. stëcznika w nocë w schroniszczu dlô zwierzãt OTOZ Animals w Dąbrówce w gminie Lëzëno wëbùchł òdżin. Czej piãc półków ògniowi starżë przëjachało na plac, robòtnicë schroniszcza ju próbòwelë gasëc płomienie gasnicama, rozwôlelë òbgrodzenia i scanë żôlącëch sã bùdinków, żebë ùmòżebnic ùcek psóm i kòtóm. Òd dëmù pòzdichało 11 tószów i kòl 15 pùjków – dokładnô lëczba kòtów nie je znónô, kò przë rozwôlanim kòcarnie robòtnicë schroniszcza nie bëlë w sztãdze zmerkac, kùli z nich pòùcekało – bãdą za nima szëkac pò òkòlim. Na gwës z zagrożonëch bùdinków ùdało sã ùretac 5 psów i 24 kòtë. Zwierzãta w bòksach dalek òd môlu pòżaru ni mùszałë bëc przenoszoné. Przëczënë ògnia jesz nie są znóné. Spôlił sã pawilón z ambùlatorium, zwierzëcô bòlëca i dwie kòcarnie, a schroniszcze rëgnãło z internetową zbiérką dëtków na jich òdbùdowã. Chãtny do pòmòcë mògą to zrobic na starnie https://www.ratujemyzwierzaki.pl/pozarschroniskadabrowka.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie