Òd nocë do przedpôłniégò w Kartuzach ògniarze biôtkòwelë z płomama żôlącyma ùstrzechã Skarbòwégò Ùrzãdu w Kartuzach. Zaszkòdë òstałë òbtaksowóné na 2 mln złotëch.
W niedzelã 3. rujana kòl gòdz. 3.30 w nocë w Kartuzach ògniarze dostelë zgłoszenié ò dëmie, co wëlatiwôł z bùdinkù Skarbòwégò Ùrzãdu kòl sz. Kòscersczi. Na môlu stawiło sã 16 półków ògniowi starżë. Òkôzało sã, że w jednym z gòspòdarczich bùdinków pòjawił sã òdżin, òd chtërnégò dali zażôlëłë sã dak i elewacjô, a dali elewacjô i ùstrzecha przédnégò bùdinkù ùrzãdu. W sztóce jak ògniarze przëjachelë, òdżin ju béł mòcno rozwiti, ale ùdało sã gò ùtrzëmac na môłi wiéchrzëznie. Służbë dałë radã ùretac archiwùm i dwa wòzë z dotkłégò płomama mùrowónégò garażu. Akcjô gaszeniô skùńczëła sã ò gòdz. 10.40 do pôłniô.
Pò ùgaszenim płomów ògniarze zabezpieczëlë plac i pòmòglë rëmnąc z bëna wòdã jakô tam sã dosta òb czas gaszeniô. Wstãpno Skarbòwi Ùrząd òbtaksowôł stratë na 2 mln złotëch. Przëczënë rozmieceniô ògnia jesz nie są znóné – zajimie sã tim pòlicjô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie