Reklama
Dzéń Jednotë we Gduńskù
20/03/2026 19:55
Dwie òrganizacje wëcmanim w dwùch placach przë dwùch himnach fejrowelë Dzéń Jednotë.
Dzewiãtnôstégò strëmiannika òbchòdë Dnia Jednotë Kaszëbów we Gduńskù òrganizowałë Fùndacjô Kaszëbë i gduńsczi part Kaszëbskò-Pòmòrsczégò Zrzeszeniégò. Zaczãło sã ò jednôsti krótką mòwą Jacka Słomióna, jaczi przëbôcził ò historicznym kònteksce a znaczënkù swiãta. Bëtny bëlë przedstôwcë òbùch òrganizatorów swiãta. Przë spiéwie „Zemi rodny” wiôlgą fanã wcygnãlë na maszt na Gradowi Górze. W pôłnié pòstãpné zéńdzenié bëło pòd pamiãtnikã Swiãtopôłka Bëlnégò, gdze przédnik gduńsczégò partu Zrzeszeniégò Wòjcech Kónkel gôdôł ò mùszu dërchaniô w wëtrëwałi robòce a téż jawerny jednoce midzë Kaszëbama nimò czasã cãżczich relacjów z samòrządówcama. Przédniczka Kaszëbskò-Pòmòrsczégò Zrzeszeniégò Bòżena Ùgòwskô pòdczorchiwała lokalny charakter òbchòdów swiãta i to, że wespółrobòta samòrządów z Zrzeszenim dërch sã zmieniwô w pòzytiwnym czerënkù. Tamò téż pòzeszłi òdspiéwelë òba kaszëbsczé himnë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 04/05 Humbak wëpùszczony do Nordowégò Mòrza
- 03/05 Słowò na niedzelã (3.05.26)
- 02/05 JASTARNIÔ PRZÓDË LAT - fòtorepòrtaż
- 02/05 Pierszi Maja w Norwesczi
- 02/05 Pół milióna na pòmòrsczé parczi
- 02/05 Òdżin na niderlandzczich wòjskòwëch terenach
- 02/05 Co z zómkã w Łapalëcach?
- 02/05 Banksy pòszedł w trzë wëmiarë
- 02/05 Pelplińsczé mùzeùm zmieniwô pòzwã
- 30/04 Co? Dze? Czedë? [1-3.05]
- 29/04 Zbiórka na wdôr pò znónym pòsélcu
- 29/04 Strzélôł w zôkładze ùbezpieków i sądze
- 28/04 Marszôłk procëm chòwie kwëkù w Dãbnicë
- 28/04 Mniszë szmùglowelë marihuanã
- 28/04 Wisłëùscé bãdze cekawszé dlô zwiédzającëch
- 28/04 Płoną lasë w Japóńsce
- 27/04 NË Ë CËŻ - wiérztka banalnô - egzystencjonalnô
- 27/04 KLËKA - drzewiany SMS
- 27/04 Ewakùòwelë Trumpa z balu
- 27/04 Nalezlë òpôł òd kòpôrczi w lasowëch kùlach
Komentarze