Ekspòzycjô prof. Jacka Knópka mô òpòwiedzec ò ùmãczenim chònicczi zemi òb II swiatową wòjnã.
Na drodze do Dolënë Smiercë w nordowim parce Chòniców je nowô edukacjowô ekspòzycjô „Chònickô Gòlgòta 1939–1945”. Sztërnôsce tôflów wedle projektu prof. Jacka Knópka z Chòniców òpòwiôdô historiã gardu òb drëgą swiatową wòjnã, òd cządu zarô przed ji wëbùchã jaż pò pòwòjnowé czasë i dzejanié kòmisje badérëjący proces eksterminacje môlowégò lëdztwa. Na rozegracje òdtaceniô tôflów béł m.jin. wicebùrméster Chòniców Adóm Kòpczińsczi. Ekspòzycjô je partã wikszégò projektu „Nôùka dlô spòlëznë” ùdëtkòwionégò przez Ministerstwò Edukacje i Nôùczi. W chònicczi Dolënie Smiercë w òbéńdze Jidżelsczich Pól w latach 1939–1945 w cządze niemiecczi wòjnowi òkùpacje zdżinãło nawetka 2000 sztëk lëdzy, w tim przedstôwców inteligencje, pacjentów psychiatricznëch bòlëców i sôdzewëch. Łoni 2. séwnika w Chònicach béł państwòwi pògrzéb przez 700 òsób zamòrdowónëch w Dolënie Smiercë. H.S.Sz.
Twoje zdanie jest ważne jednak nie może ranić innych osób lub grup.
Ten komentarz jest ukryty - kliknij żeby przeczytać.
Ten komentarz jest ukryty - kliknij żeby przeczytać.