Lubòtnicë kònnicë i militariów mielë w niedzelã co òbzerac na pòkôzkach sparłãczonëch z òbchòdama szarżë pòd Krojantama w gminie Chònice.
Jak co rokù w pierszą niedzelã séwnika w Krojantach bëłë zrëchtowóné òbchòdë roczëznë szarżë pòd Krojantama z pierszégò séwnika tësąc dzewiãcset trzëdzestégò dzewiątégò rokù, dnia najachùnkù Niemiec na Pòlskã i zaczãcô drëdżi swiatowi wòjnë. Kòl pamiãtnika Òsmënôstégò Pôłkù Pòmòrsczich Ùłanów òdprawiony béł part patriotno-religiowi z pòdwigniãcym pòlsczi fanë, òdspiéwanim himnu, òddanim honorwi salwë i złożenim kwiatów. Wójt gminë Chònice Zbigórz Szczepańsczi przestrzégôł w swòjim przemówienim przed rozwijã niezgarë na nôrodnym, etnicznym czë religiowim spòdlim. Szkòlôcë ze Spòdleczny Szkòłë w Nowi Cerkwie òbònilë ùroczëznã swòjim wëstãpã, a wiertel pò pôłnim òdprawionô bëła pòlowô mszô. Pò ni òbchòdë przeniosłë sã na biôtkòwiszcze pòd Krojantama, gdze zjachóny òbzérnicë òbôczëlë defiladë kònnicë, pòkôzczi manewrów z ùżëcym historiczny altirerie, ùłańską mùsztrã a téż inscenizacjã historiczny biôtczi pòd Krojantama. Kùńc rozegracje to bëła symbólnô parłãczonô szarżô kawalerie kóńsczi, zmòtorizowóny ë pancerny.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie