Reklama

Jëbleùsz Pòmòrsczi Metropòlitarny Banë

Klëka

05/09/2025 11:00

Dzesãc lat nazôd Trzëgard dostôł sparłãczenié z westrzédnyma Kaszëbama dzãka zbùdowaniémù linie, jakô w sobòtã szóstégò séwnika bãdze fejrowa swój jëbleùsz.

Samòrządzëna pòmòrsczégò wòjewództwa razã z banową zarządzëną z leżnoscë dzesãclatégò jistnieniô Pòmòrsczi Metropòlitarny Banë, pierszi banowi linie w Pòlsce zbùdowóny przez samòrządzënã, zrëchtowałë piknik przed sedzbą Pòmòrsczégò Metropòlitarnégò Banu w Gduńskù Matarnie. W sobòtã szóstégò séwnika òd dzewiąti reno do trzecy pò pôłnim lubòtnicë banë są rôczony na kònkùrsë, zwiédzanié lokalnégò centrum czerowaniô, fòtoszpacérã, a téż specjalné atrakcje inspirowóné stacjama Gduńsk Strzëżô, Gduńsk Jaséń, Gduńsk Matarniô, Gduńsk Latawny Pòrt, Gdiniô Sztadión i Wieżëca. Na sztrëkach Pòmòrsczi Metropòlitarny Banë bãdze téż leżnosc przejachac sã historicznym składã Chùtczi Gardowi Banë – pierszi przejôzd bãdze dlô specjalno przërôczonëch gòscy, a néga dlô wszëtczich chãtnëch za darmôka. Czedë i jaczim turã bãdze jachała historicznô bana – mòże sprawdzëc na internetowi starnie linie.

H.S.Sz.

Źródło i opracowanie własne