Reklama

Szkòlenié z zajimaniô sã lózã biegającyma pùjkama

Klëka

06/09/2025 20:21

Ùrząd Gminë Somònino dôł dëtczi na specjalny kùrs i darënczi dlô bëtników wëdarzeniô, jaczé bãdze w Gminnym Òstrzódkù Kùlturë.

W òbrëmim projektu „Parłãczi naju pòmôganié – razã dlô zwierzãt” dofinancowónégò przez Ùrząd Gminë Somònino, w piątk dzewiãtnôstégò séwnika òd czwiôrti do szósti pò pôłnim w zalë Gminnégò Òstrzódka Kùlturë w Somòninie bãdze specjalisticzné szkòlenié dlô wòlontérów zajimającëch sã kòtama żëjącyma na wòlë i lëdzy, co je fùdrëją. Szkòlenié òrganizëje Stowôra Kòło Apartnëch Gòspòdiniów „Sostrziństwò” i Fùndacjô „Kaszëbsczé Kòtë”. Bëtnicë wëdarzeniô przeńdą weterinariowé szkòlenié, òbezdrzą pòkôzk bezpiecznégò brëkòwaniô klôtczi-łapicë, a téż bãdą mòglë dostac specjalné paczétë i chëczczi na ùżiwk òpiekùnów wòlno żëjącëch kòtów. Zapisac na kùrs mòże sã piszącë na mailową adrésã „Sostrziństwa”. Célã inicjatiwë je pòdnôszanié swiądë ò cëskù niepilowónëch kòtów na strzodowiszcze i ò bezpiecznym sã nima zajimanim.

H.S.Sz.