Reklama

Normandiô na Hélu

Klëka

01/09/2025 09:48

Jak rok w rok, przez piãc dni grańcë gardu Hél wëfùlowiwelë lëdze w mùńdurach i wòzach ùczãstników biôtków na Zôpadnym Fronce drëdżi swiatowi wòjnë.

Òd dwadzestégò piątégò do trzëdzestégò zélnika na Hélu dérowała dzewiãtnôstô edicjô D-Day Hél, serie widzawiszczów, pòkôzków, paradów wòjskòwégò sprzãtu i jinëch wëdarzeniów narzesziwającëch do aliancczi òperacje Overlord z czasu drëdżi swiatowi wòjnë. W sobòtã trzëdzestégò zélnika bëło nôwikszé wëdarzenié festiwalu – rekònstrukcjô lądowaniô aliantów na pieglëszczach Normandie z szóstégò czerwińca tësąc dzewiãcset sztërdzestégò czwiôrtégò rokù, z ùdzélã setków rekònstruktorów w historicznëch ùnifòrmach, pirotechniką, replikama barnie i pòjazdów. Òrganizatorzë D-Day Hél pòdsztrichiwają, że festiwal nie je blós rozriwką, le mô téż edukacjową fùnkcjã, bò latos bëłë w Hélu przeprowadzoné téż wëkładë midzë jinszima ò pòlsczich żôłnérzach na biôtkòwiszczach Zôpadnégò Frontu.

H.S.Sz.

Źródło i opracowanie własne