Reklama
Ekòlogicznô katastrofa w Salwadorze
02/11/2025 09:23
Zbiérnik pòwstôł w sétmëdzesątëch latach ùszłégò stalatégò dlô òbsłëdżi elektrownie. Przez dłudżé lata służił téż rëbôkóm, ale zajãła gò niejôdnô wòdnô salôta.
Nôwikszi słodkòwòdny zbiérnik w Salwadorze, zbiérnik Cerrón Grande, znóny téż jakno Jezoro Suchitlán, wedle òbtaksowaniów salwadorsczi òrganizacje non-profit Fùndesyram je w òsmëdzesąt procentach zajimniãti przez wòdną salôtã. Ten gatënk lëlijoszlachòwny roscënë zwóny téż rozetkòwatą pistią pòchôdô z tropikalny òbéńdë, ale mòże rosc w cepłi wòdze we wnetka wszëtczich klimatach na Zemi. Colemało stôwô sã inwazjowim gatënkã i za taczi je ùwôżóny midzë jinszima w Eùropejsczi Ùnie. Wòdnô salôta mô zbiérnik Cerrón Grande pòrosłé przez jegò stolëmné zaczapanié, deszcz i dopłiw òdżiwczëch substancjów dlô roscënë z rozmajitëch zdrzódłów. Ju kòl trzë tësące rëbôków szło lós znad tegò jezora ò wiéchrzëznie piãcdzesąt dwùch kwadratkilométrów. Stratë dlô môlowi ekònomie są taksowóné na równoznaczënã kòl sztërzech miliónów òsmëset tësący złotëch. Na roscënã nie pòmôgô wësadzywanié sã wòjska, służbów òpłaconëch z rządowëch programów i lokalny spòlëznë, żebë jã z jezora rëmnąc. Próba zabezpieczeniô òczëszczonëch dzélëków zbiérnika stalanyma linama nie strzimała pòwrotu pistie na swòje stanowiszcza.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie