Wëbùchòwi ladënk mógł òstac schòwóny gdzes kòl aùtoła, co stojôł pòd dodomã òfiarë.
We wtórk 17. gòdnika kòl gòdz. 6. reno w Mòskwie na Riazańsczim Prospekce zdżinął Igòr Kiriłłow, generôł òd 2017 rokù, przédnik rusczich Wòjsków Òbarnë przed Parmieniowanim i Barnią Chemiczną a téż Biologiczną. Razã z nim òstôł zabiti Ilia P., jegò pòmôgôcz. Zabił jich wëbùchowi ladënk schòwóny w elektricznym kùlôkù pòdstawionym kòl wchòdu do dodomù generała. Czej z niegò wëchôdelë, bómba ò mase 200 g trotilu wëbùchła i zabiła òbëdwùch na placu. Wedle agencje Reuters atakù dokònałë ùkrajińsczé służbë.
Igòr Kiriłłow jakno przédnik Wòjsków Òbarnë przed Parmieniowanim i Barnią Chemiczną a téż Biologiczną wiele razy òbskôrżôł Ùkrajinã ò wëzwëskiwanié w wòjnie z Ruską barni niezgódnëch z midzënôrodnym prawã, m.jin. biologiczny. Ò pòmòc w jich kònstrukcje winowôł téż kraje Zôpadu. Ùkrajińcë òbskarżiwelë gò za to ò òdpòwiedzalnotã za wielné ùżëca chemiczny barni w wòjni na Ùkrajinie, co bëło téż przëczëną atakù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie