Reklama

Elektricznym kùlôkã na "Monciak" ju sã nie wjedze, chòcbë sã baro chcało

Klëka

22/09/2025 09:54

Miesczi starżnicë ju nie bãdą mùszelë zatrzëmòwac elektricznëch kùlôków dwùch firmów, jaczé pòcwierdzëłë, że wprowadzą blokadë rësznotë nima pò przédnëch atrakcjach gardu.

Pò zetkanim z kòmendantã Miesczi Starżë w Sopòce Tomôszã Dëszą przedstôwcë firmów Tier i Dott, jaczé òbsłëgiwają elektriczné kùlôczi do wëpòżëczeniô w òbéńdze miasta, òbrzeszëlë sã do wprowadzeniô na nie dodôwkòwëch blokadów. Òd terô kùlôczi bãdą sã same wëłãczëwac tam, gdze Sopòt wiedno scygô nôwicy turistów, to je w òbrëmim szasëje Herojów Monte Cassino, kùracjowégò skweru a téż mòla. W tëch placach ju òd dôwna je cawny zôkôz jeżdżeniô elektricznyma kùlôkama z pòzdrzatkù na zagrôżbã bezpiekù, ale felowało wiadë ò tim zôkazu dlô turistów, téż wiele òsób swiądno zôkôz łómało, a wikszosc interwencjów miesczi starżë jimało sã prawie kùlôków. Òd terô pò "Monciaku" kùlôkã prosto nie mdze szło jachac, a ti co bãdą krótkò zakôzóny òbéńdë, dostóną wiadã na mòbilkã ò zbliżanim sã do wëłączony conë. Kòmendant miesczi starżë zachãcył téż jinëch òperatorów sopòcczich kùlôków do założeniô blokadów, a téż zapòwiedzôł, że starżô bãdze prowadzëła w kònsultacje z òperatorama cykliczné warkòwnie midzë jinszima dlô dzecy a młodzëznë ò bezpiecznym brëkòwanim kùlôków i szlachòwnëch ùrządzeniów ò elektricznym nëkù.

H.S.Sz.

Załączniki