Nagranié z Hanoi sprawiło, że midzënôrodnô spòlëzna zajiscëła sã rodzëznowima relacjama ù Macronów.
W pòniedzôłk dwadzestégò szóstégò maja pò Internece zaczãło wanożëc nagranié, na jaczim je widzec fliger prezydenta Francje Emmanuela Macrona, jaczi dopiérze wëlądowôł w Hanoi we Wietnamie. Pò òdemkniãcym dwiérzi je widzec, jak rãka w czerwionym rãkawie zbliżô sã do gãbë prezydenta i jã dosc mòckò òdpichô. Ten zmerkiwô, że dwiérze są ju òdemkłé i machô do kamerów, a pòtemù sã chòwie. Za czile minut Macron schôdô pò trapach ze swòją białką Brigitte, jakô miała na se czerwiony wãps. Media zarô sã tą sprawą zajimnãłë i zaczãłë docëgac, że Macronowie mòglë sã pòsztridac i białka ùderzëła prezydenta w gãbã. Elizejsczi Pałac z zôczątku przékòwôł prôwdzëwòscë nagraniô, ale chùtkò jã pòcwierdzëlë lëdze z nôblëższi òbéńdë prezydenta, a téż sóm Emmanuel Macron. Scwierdzył, że z białką blós so szpòrtowelë dlô òdstresowaniô, tak jak to wiedno robią przed òficjalnyma wizytama. Drëchòwie prezydenta rzeklë, że béł to gest, co miarkòwôł złapanié za twôrz, a téż że prezydenckô pôra czãsto so na taczé wëstwôrzanié pòzwôlô.
Twoje zdanie jest ważne jednak nie może ranić innych osób lub grup.
Komentarze opinie