Sztrid midzë Demòkraticzną Repùbliką Kònga a ji nordowò-wschódnyma sąsadama jidze ò nôtërné bògactwa a téż stojiznã mniészëznów.
Nieùbëtk we wschòdnëch partach Demòkraticzny Repùbliczi Kònga pòstãpiwô. Pò tim jak wspiéróné przez Rwandã rebeliancczé karno Rësznota Dwadzestégò Trzecégò Strëmiannika dobëło gard Gòma nad grańcznym jezorã Kiwù i wprowadzëło w nim nową administracjã, agresją procëm Kòngò grozy téż Ùganda. Szef ùgandijsczi armie Muhoozi Kainerugaba dôł kòngijsczémù wòjskù dwadzescë sztërë gòdzënë na wińdzenié z gardu Bùnia nad jezorã Albert. Żelë to sã nie stónie, Ùganda zapòwiôdô szerszi atak. Tak Ùganda jak téż Rwandã razã ze wspiérónyma przez nich rebeliantama winëją Demòkraticzną Repùblikã Kòngò ò łómanié prôw mniészëznów i diskriminacjã lëdów Bahima i Tutsi, ta zas òbskôrżô swòjich wschòdnëch sąsadów ò chãc przejãcô mineralnëch zôsóbków, jaczich je skòpicą na zôpôd òd grańcznëch jezorów na wschódny grańce kraju. Rosce grozba wikszi wòjnë w regionie Wiôldżich Jezór. Wspiarcym dlô Demòkraticzny Repùbliczi Kònga mòże bëc Bùrundi, jaczégò armiô pòmôgô Kòngijczikóm w biôtce z Rësznotą Dwadzestégò Trzecégò Strëmiannika. Neùtralnô òstôwô Tanzaniô, w jaczi na zôczątkù gromicznika prowadzoné bëłë diplomaticzné òbgôdczi biôtków z rebeliantama w Demòkraticzny Repùbliczi Kònga.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie