Gwôłtownô fòrma protestu òpòzycje w serbsczim Nôrodnym Zgromadzenim òkôzała sã zagrozëc żëcémù jedny pòsélcczi.
We wtórk czwiôrtégò strëmiannika na zalë zéńdzeniów serbsczégo parlamentu w Belgradze, zarô pò ògłoszenim pòrządkù òbradzënów przez rządzącą kòalicjã Serbsczi Pòkrokòwi Partie, part pòsélców prozôpadny òpòzycje zaczął szarpac sã z òchróniarzama kòl placu dlô prowadniczczi parlamentu, a jinszi rozrzucëlë pò zalë dimné granatë i wëpùscëlë łzawiący gaz. Bëła to fòrma wspiarcô òpòzycje dlô dérëjącëch w kraju òd sztërzech miesący protestów prowadzonëch przez sztudérów, jaczi domôgelë sã midzë jinszima zwikszeniô rządowëch wëdôwków na ùczbòwnie, czim prawie tegò dnia parlament miôł sã zajic. Jak dała do wiadë prowadniczka parlamentu Ana Brnabić, dwùch pòsélców òstało zrenionëch, z czego szescdzesąt sztërë lata stôrô Jasmina Obradović z Serbsczi Pòkrokòwi Partie dostała rëszeniô mùskù i w cãżczi stojiznie je terô w szpitalu. Nimò to, Nôrodné Zgromadzenié dali szło z òbradama, czemù towarzëłë transparentë z zéwiszczama protestu przëhalóné przez òpòzycjã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie