Reklama

Gòdë w Betlejem

Klëka

27/12/2025 10:46

Strzébrznô gwiôzda w betlejemsczi bazylice. Òdj. Jerzy Strzelecki; zdrzódło: https://pl.wikipedia.org/wiki/Betlejem#/media/Plik:Bethlehem3(js).jpg

Na Placu Kùmka stanãła wiôlgô danka, a na szasëje i do swiątniców gardu pòzeszlë sã Palestińczicë rozmajitëch wëznaniów.

W Betlejem zôs fejrowelë Gòdë. Przez dwa ùprzédné lata na znak solidarnoscë z Coną Gazë miesczich òbchòdów Bòżégò Narodzeniégò nie bëło. Latos chrzescëjańsczé kòscołë dałë sã to zmienic. Z Jeruzalem przëjachôł łacyńsczi patriarcha kardinał Pierbattista Pizzaballa, jaczi rëchli w niedzelã béł w parafie Swiãti Rodzëznë w Gaze, jedurny tam wcyg dzejający katolëcczi parafie. W Betlejem gôdôł ò mùszebnoce pòwrotu do pùblicznëch òbchòdów Narodzeniô Jezësa Christësa jakno merkù nôdzeji dlô Gazë i wszëtczich môlów, gdze dérëje wòjna. Na chrzescëjańsczé fejrowanie przëszlë téż mùzelmanie i samaritanie, żebë pòkazac jednotã westrzód mieszkańców Palestinë. Prawie jich bëło nôwicy – felowało turistów i pielgrzimów, jaczi do niedôwna zagwësniwelë zwësk wnet òsmëdzesąt procentóm mieszkańców Betlejem.

H.S.Sz.

Źródło i opracowanie własne