W weekend Ùkrajina i Rusjô wëmieniłë pò tësąc pòjmańczików, tak jak bëło ùgôdóné w Stambùle na pòtkanim Rustema Ùmierowa z Władimirã Miedińsczim.
W niedzelã dwadzestégò piątégò maja Ùkrajina i Rusjô pòcwierdzëłë, że ùgôdónô szestnôstégò maja w Stambùle wëmiana pò tësąc sztëk pòjmańczików òd òbùch starnów òstała zakùńczonô. Pierszô wëmiana w piątk òbjimnãła pò trzësta dzewiãcdzesąt pòjmańczików, drëgò w sobòtã pò trzësta sétmë, a trzecô i slédnô pò trzësta trzech. Prezydent Ùkrajinë Wòłodimir Zełeńsczi dôł do wiadë, że ùwòlnionym bãdze zagwësnionô psychòlogicznô, medicznô i materialnô pòmòc w pòwroce do spòlëznë. Strzód pòjimónëch bëlë tak żôłnérze jak cywile. Niedzelnô wëmiana bëła szestdzesątą piątą òd zôczątkù inwazje, a szóstą latos. Cawnô lëczba ùkrajińsczich wòjskòwëch w rusczi niewòlë je taksowónô na òsmë tësący, je pòcwierdzonô téż lëczba dwùch tësący cywilów, a nieòficjalné taksënczi pòdôwają lëczbã òsmënôsce tësący.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie