Krómë na kartësczim rënkù bãdą ùprzëstãpniwóné za darmôka, co mòże bëc atrakcjowim bédënkã dlô chcącëch przedawac swòje towarë na latosym jôrmarkù.
Rëgnãłë zapisë na wëstawienié stojiszczów na latosym gòdowim jôrmarkù w Kartuzach. Kartuzë zagwësniwają na rënkù 11 krómów, jaczé bãdą ùprzëstãpnioné wëstôwcóm za darmôka. Pierszeństwò w przëdzeliwanim placu mają ti, jaczi deklarëją wëstawienié swòjégò towaru przez całi czas jôrmarkù, to je w dniach òd 14. do 22. gòdnika. Nôbarżi rôd òrganizatorzë bãdą widzec stojiszcza z gòdową jôdą, pieczëzną, rãkòdzełã, zabôwkama czë wëòzdobama. Czas zapisów mijô 25. smùtana.
Przëjimóné są zgłoszenia na kôrtach przëstãpnëch na internetowi starnie Miesczégò Ùrzãdu w Kartuzach, chtërne je nót wëdrëkòwac i pòdpisac, a tej przesłac na mailowi adres [email protected] abò téż dotëgòwac do Bióra Òbsłëdżi Mieszkańca Miesczégò Ùrzãdu w Kartuzach.
Pòwrózk do regùlaminu zgłoszeniów: https://www.kartuzy.pl/aktualnosc/kultura/578-zapraszamy-na-kartuski-jarmark-swiateczny-14-22-grudnia-2024-r
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie