Decyzjô òstała pòdjimniãtô na skùtk niechãcë prezesa karna do òbgôdaniô sprawë reglów przëstãpù do halë Olivia dlô jinëch spòrtowëch karnów.
W piątk 3. stëcznika wiceprezydent Gduńska Pioter Bòrawsczi ògłosył pòdjimniãcé cwiardëch kroków procëm Gduńsczémù Spòrtowémù Karnu Stoczniówc, chtërno òd 1998 rokù zarządzô halą Olivia. Tedë wiceprezydentã béł tamtoczasny jak téż dzysdniowi prezes Stoczniówca Mark Kòstecczi. Wedle wëszëznów gardu to przez jegò decyzje halë ni mògą brëkòwac kònkùrencjowé karna, jak jistniejącé òd 2023 rokù Fudeko GAS, chtërno bëło gòspòdarzã derbów Gduńska w gòdnikù. Ni mającë przëstãpù do halë Olivia, Fudeko GAS mùszała òrganizowac swòje mecze w Elbingù. Ùgôdënk na brëkòwanié halë Olivia przez GSK Stoczniówc je w mòcë do 2036, a za jegò zerwanié gard mùszôłbë zapłacëc karnu wiôlgą wënôdgrodã. Bòrawsczi zapòwiôdô tej dzejanié na jinszi ôrt: Gard mô òprzestac wspierac karno dëtkòwò nié blós, żelë chòdzy ò hokejowé rozegrë, ale téż w przëtrôfkù wikszich rozegracjów, co bë miałë bëc òrganizowóné w zajimóny przez nich halë. Taczé kroczi mają przëmùszëc Kòstecczégò do òbdgôdków przë òkrãgłim stole i rozrzeszeniô sprawë dlô dobra całégò gduńsczégò spòrtu. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie