Reklama

Gduńsk w pòszëkù na mróz

Klëka

30/01/2026 13:47

Z Kaszëb, Gduńsk pòszëkù mróz - zdjęcie, fotografia

Je nót zwikszony mòbilizacje służbów, bò zapòwiôdóné mrozë mògą bëc wiele wikszé jak czedëlebądz przez slédną dekadã.

Prezydentka Gduńska Aleksandra Dulkewicz zwòłała na czwiôrtk dwadzestégò dzewiątégò stëcznika pòsedzenié Miesczégò Karna Krizysowégò Zarządzaniô. Chòdzy ò przërëchtowanié służbów na nadchôdającé mrozë. Synopticë gôdają ò nawet minus dwadzesce gradach w nocë, minus dzesãc òb dzéń, a wiele niższé temperaturë bãdze czëc przez fùchtnosc i wiater. Na pòsedzenim ùgôdóné bëło, że służbë òd ùtrzimaniô dróg, sztreków i elektriszowëch trakcjów bãdą robiłë całą dobã z dëbeltnyma sëłama, w alarmòwim tribie. Gduńsczé Wòdocëdżi téż wezwą do robòtë wicy lëdzy. Jich zarządzëna dała do wiadë, że mieszkańcë mielëbë zabezpieczëc wòdomierze i rérë, òsoblëwie tam, gdze nie je grzóné . Czejbë miało duńc do awarie miesczégò ògrzéwaniô, Gduńskô Pòdjimizna Ceplny Energeticzi mô zabezpieczoné szesc tësący mieszkańców do pòżëczeniô mieszkańcôm. Pò nocach bãdą jezdzëłë pò szasëjach aùtobùsë SOS, a wëznaczony retownicë bãdą sprôwdzëlë, czë chtos nie brëkùje pòmòcë, przede wszëtczim bezdomôcy. Ùrësznioné bãdą dodôwkòwé pùnktë wëdôwaniô cepłégò jestkù. Nie bëło brëkòwnotë ùsadzac nowëch placów w noclegòwniach, bò wedle pòdôwków służbów je jich tam dosc dlô wszëtczich brëkùjącëch.

Na spòdlim: https://radiogdansk.pl/wiadomosci/region/trojmiasto/2026/01/29/gdansk-wzmacnia-dzialania-sluzb-na-czas-silnych-mrozow/

Źródło i opracowanie własne