Aùtobùsowé Przewòzë Grif pòdpisałë z pòwiatã ùgôdënk na przewòżenié pasażérów na dzewiãc liniach z Lãbòrga. Przez pierszé dni mòżemë nima jachac bez bilietu.
Òd nowégò rokù w lãbòrsczim krézu pò aùtobùsowëch liniach wòzëc mieszkańców bãdze nowi przewòznik – Aùtobùsowé Przewòzë Grif z Kartuz. Ùmòwã midzë przewòznikã a krézã òstała pòdpisónô 27. gòdnika przez przédnika zarządu Marianã Kòtecczégò, starostã lãbòrsczégò pòwiatu Tomasza Litwina a téż wicestarostã Adriana Wentã. Òd czwiôrtkù 2. stëcznika do wtórkù 7. stëcznika aùtobùsama Grifa mòżemë jachac za darmôka. Mô to zachãcëc mieszkańców do zapòznaniô sã z rówizną ùsłëgów bédowónëch przez nowégò przewòznika. Na strzodã 8. stëcznika na gòdz. 3 pò pôłnim kòl lãbòrsczégò banowiszcza je planowóny pòkôzk aùtobùsów. Bilietë na Grifa bãdze szło kùpiac na I szosu banowiszcza w Lãbòrgù w gòdzënach 9.00-16.00. Szoférowie bãdą wëdôwelë jednorazowé bilietë. Nowi bédënk przewòznika to miesãczny jadrowi biliet w prizu 411,76 zł dlô dozdrzeniałëch i 210 zł dlô ùczniów, za jaczi pasażérowie mdą mòglë rézowac wszëtczima liniama Grifa. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie