Nowò ùsadzonô radzëzna mô pòczerowac òrganizacją welacje na nastãpnika zabitégò w 2021 prezydenta Moïse.
We strzodã 18. séwnika rząd Hajiti ùsadzył welacjową radzëznã, jaczi zadanim je òbrobienié prawnégò òbremiô dlô prezydencczi welacje, chtërna mô bëc zòrganizowónô do 2026 rokù – bãdze to pierszô welacjô òd 2016, w jaczi dobéł Jovenel Moïse, zabiti w 2021 rokù przez nieznónëch sprôwców. Òd te czasu Hajiti ni mô prezydenta, a jegò òbrzèszczi trzimają premiérzë.
Ògłoszoné òstałë nôzwëska sétmë nôleżników radzëznë, jaczi są przedstôwcama gbùrów, warkòwëch zrzeszów, gazétników, dzejarzów prawów człowieka, pòùczënë i wëznôwców religie voodoo. Wedle prawa felëje jesz jednégò nôleżnika òd prawów człowieka, a téż przedstôwcë prawów białków, le jich nôzwëska mają bëc téż niedługò pòdóné.
Chwiądnô pòliticznô stojizna w Hajiti to m.jin. kwestiô kòrupcje, w jaczi w latach 2020-2023 ten karajibsczi krôj wedle Corruption Perception Index zajimôł 8. plac na swiece, ale téż jiwru z ùzbrojonyma gangama, chtërne kòntrolëją 80% stolëcë kraju, Port-au-Prince. W biôtce z przesprôwcama pòmôgają tam żôłnérze z Kenie i Jamajczi.
Twoje zdanie jest ważne jednak nie może ranić innych osób lub grup.
Czëtanié pò kaszëbskù ò Hajiti to cë je dopiérze redosc :)