Òd skùńczeniô pierszi swiatowi wòjnë i wënëkaniô césarza niemiecczé rządë przëznôwałë so prawò do dwadzescë sétmë tësący artefaktów słëchającëch césarsczi familie.
Pò wnetka sto latach skùńcził sã sztrid midzë familią Hohenzollernów a niemiecczima wëszëznama ò to, kòmù słëchają tësące dokazów kùńsztu i nierësznotë zabróné dôwny césarsczi rodzëznie pò wëmùszony abdikacje césarza Wilema w tësąc dzewiãcset òsmënôstim rokù. Sama prawnô biôtka dérëje z przerwama òd tësąc dzewiãcset dwadzestégò szóstégò, a slédny rôz znowił jã jednôsce lat dowsladë prësczi princ Jerzi Fridrich, praprawnëk césarza Wilema i ternô głowa rózdżi Hohenzollernów – domôgôł sã, żebë dokazë kùńsztu wrócëłë pòd miectwò jegò rodzëznë, a za zrabòwóné pałace rząd przëznôł òdpłacënk w dëtkach. We wtórk trzënôstégò maja niemiecczi minister kùlturë Wolfram Weimer ògłosył, że ùdało sã zawrzéc ùgôdënk midzë Hohenzollernama a federalnym rządã a téż landama Berlëna i Brandenbùrgie. Wedle niegò, kùńszt pòkazéwóny w mùzeach i pùblicznëch kòlekcjach òstóną fizyczno tam, gdze terô są, i bãdą przistãpné dlô zwiédzającëch – dalszé dogôdënczi w sprawie gwôsnoscë nie mdą miałë cëskù na to, chto bãdze mógł òbzerac artefaktë. W przińdnoce ùsadzonô mô òstac bùtenrządowô Fùndacjô Kòlekcje Kùńsztu Hohenzollernów, pòd jaczi òpiekã zachë w kùńcu trafic.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie