W Bangkòkù pòlicjô zatrzimała ùczãstników rozegracje zòrganizowóny w jednym z hotelów. Wicy jak pòłowa miała zażëté narkòticzi.
W niedzelã 8. gòdnika w jednym z hotelów w centrum Bangkòkù, stolëcë Tajlandie, òddzél szandarów przerwôł rozegracjã, jakô warała w jedny wëpachtowóny na ten wieczór zalë. Brało w ni ùdzél 124 lëdzy òblokłëch w same bùksczi. Przë mùzycë pilë sznaps, a niechtërny zażiwelë narkòticzi. Wszëtcë òstelë zatrzimóny – bëłë strzód nich dwie białczi, a zaòstałi to młodi chłopi. Môlowi gazétnicë pòdôwają, że na impreze bëlë znóny tajsczi aktorowie, direktorowie, profesorowie, lékarze i celebricë. Do tegò przërôczony bëlë téż turiscë z jinëch krajów.
Spòmidzë wszëtczich zatrzimónëch 31 miało narkòticzi kòl se, a 66 ju w swòji krëwie – w przédny rédze bëło to ecstasy i metaamfetamina. Ti òstóną zatrzimóny na dłëżi jak 48 gòdzyn. Wedle tajsczégò prawa za trzimanié narkòtików mògą jic do sôdzë nawetka na 10 lat.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie