Nalotë na lôgrë zidentifikòwóné przez Hindusów jakno ùsadzoné przez terrotistów pòtkałë sã z òdpòwiescą pakistańsczi armie.
W strzodã sódmégò maja reno indijsczi rząd dôł do wiadë, że rëgnął z „Òperacją Sindoor” i zaatakòwôł tursticzną infrastrukturã na terenie Pakistanu. Mô to bëc òdpòwiesc na sztrzélingã na łące Baisaran z dwadzestégò drëdżégò łżëkwiata, czej atakòwnicë zaczãlë strzelac do turistów, jaczi nie bëlë mùzelmanama. Pakistan, jaczi cwierdzy, że ni mô nick pòspólnégò z atakã, òdpòwiedzôł òstrzałóm indijsczich pòzycjów. Jesz ni ma gôdczi ò wòjnie, ale je ju wiedzec ò trzëdzescë jeden zabitëch i piãcdzesąt sétmë renionëch òsobach w wënikù indijsczich nalotów, a Indie gôdają ò piãtnôsce zabitëch i sztërdzescë trzech zabitëch przez Pakistańczików cywilach pò swòji starnie grańcë. Wòjska òbù państwów przekazéwają pò czãscë nieschôdającé sã ze sobą infòrmacje ò tim, chto kòmù jaczé szkòdë zadôł. Indie pòdsztrichiwają, że jich célã je blós terroristicznô infrastruktura promùzelmańsczich rebeliantów, jaczi robią ataczi taczé jak ten sprzed dwùch tidzeniów na łące w Kaszmirze.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie