Reklama

Intencjowi lëst Òrlenu i Kaszëbskò-Pòmòrsczégò Zrzeszeniégò

Klëka

11/12/2025 10:12

Z Kaszëb, Intencjowi lëst Òrlenu Kaszëbskò Pòmòrsczégò Zrzeszeniégò - zdjęcie, fotografia

Wespółrobòta òkòma rënkù robòtë, edukacje i docéraniô do lokalny spòlëznë – taczé wej céle pòstawiła sobie wëcmanizna skarbù państwa a téż jedna z nôwikszich bùtenrządowëch òrganizacjów w Pòlsce.

Na zetkanim we Gduńskù we strzodã dzesątégò zélnika Kaszëbskò-Pòmòrsczé Zrzeszenié pòdpisało intencjowi lëst z Òrlenã. Swòje òrganizacje reprezentérowelë przédniczka Zrzeszeniégò Bòżena Ùgòwskô i przédnik Òrlenu Ireneùsz Fąfara. Kòncern na Pòmòrzu prowadzy kluczowé energeticzné projektë, midzë jinszima bùdacje òbiektów na mòrzu, twòrzącë place robòtë, ale téż mającë cësk na kaszëbsczi krôjmalënk nòtërny i spòlëznowi. Wespółrobòta ze Zrzeszenim mô zagwësnic zachòwanié ùwôżaniégò dlô lokalny kùlturë, a téż promòcjã tradicje i edukacje przez Òrlen. Ze starnë Zrzeszeniégò padłë deklaracje wspiarcégò dlô pòdjimniãców Òrlenu w regionie, taczich jak kònferencje i warkòwnie ò energetice. Zwëskac na jich pòrozmienim mô téż lokalny rënk robòtë.

H.S.Sz.