Sana je kòntrolowónô przez rësznotã Hutich, òstôwającą w domôcy wòjnie z midzënôrodno ùznôwónym rządã Jemenu, jaczi mô władzã nad nordowò-zôpadnym partã kraju.
Pò òdpiartim piątkòwim atakù na Izrael wòjska rësznotë Huti, jakô kòntrolëje stolëcã Jemenu Sanã, izraelskô latawizna òdpòwiedzała w niedzelã dwadzestégò czwiôrtégò zélnika spùszczenim z fligrów w sëmie kòl trzëdzescë piãc ladënków amùnicje na sańsczi wòjskòwi kómpleks, dwie elektrownie i magazyn òpału. Wedle izraelsczich wëszëznów ten atak béł wëmierzony w infrastrukturã wëzwëskiwóną przez wòjskòwi reżim Hutich. Nônowszé pòdôwczi mediów sparłãczonëch z reżimã w Sanie gôdają ò szesc lëdzach zabitëch i òsmëdzesąt szesc renionëch. Izrael zapòwiôdô, że Huti mògą sã spòdzewac pòstãpnëch taczich òdpòwiesców na swòje ataczi. W piątkòwim atakù na Izrael, mającym bëc dokazã solidarnoscë z Gazą, nicht nie ùcerpiôł, bò ùżëté do niegò dron i patróna òstałë znikwioné przez izraelską lëftową òbarnã, ale patróna miała bëc zaladowónô grozną kasetową amùnicją, co je pierszim ùżëcym ti technologie przez Jemen.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie