Reklama

Jachtarze diskùtérowelë we Gduńskù

Klëka

25/03/2026 13:47

Print screen z facebookòwi starnë: Polski Związek Łowiecki

Kònferencjô namienionô bëła przede wszëtczim zwierzãtóm, zjinakóm jich zwëków i tim, jak na to òdpòwiedzec.

We wtórk dwadzestégò czwiôrtégò strëmiannika w Marszałkòwsczim Ùrzãdze we Gduńskù bëła Pòmòrskô Łówczô Kònferencjô òrganizowónô przez Pòlsczi Łówczi Związk. Wëdarzenié bëło namienioné wëmianié doswiôdczeniów wiédzë midzë jachtarzama, lasewima a rozmajitima jinszima strzodowiszczama. Jedno z pierszich wëstąpieniów, „Cësk wiôldżich rabùsznëch cëcónów na òfiarë i kònfliktë z chòwą”, dôł profesór Henrik Òkôrma z Pòlsczi Akademie Nôùków. Òsoblëwé bôczenié w diskùsje bëło dóné na wôłczi, jaczé na Pòmòrzim dô widzec dërch w wicy a wicy placach, na przëmiar slédno na gbùrstwach w òkòlim Miastka. Łówcë gôdelë ò tim, jak zagwësniwac bezpiek tak lëdzóm jak zwierzënie. W dalszich diskùsjach na kònferencje  przedstawioné bëłë pòdôwczi co do terny stojiznë rozkòscérzeniô Afrikańsczégò Pòszëdła Swiniów a téż synantropizacje i synurbanizacje zwierzãt, to je procesu, czej dzëwé zwierzãta wlôżają do lëdzczich sedlëszczów, a òsoblëwie do miast. Tu téż wrôcëła téma wôłków. Bëła téż gôdka ò tim, jak pòdwignąc rówiznã przebiwaniô dzëwëch pòpùlacjów w òbrónëch przez nie môlach na Pòmòrzu.

H.S.Sz.

Załączniki