Reklama

Jak sã żëje młodim Gdinianóm?

Klëka

01/02/2026 14:22

Z Kaszëb, żëje młodim Gdinianóm - zdjęcie, fotografia

Stolaté miesczich prôw to dobri òrãdz, żebë sã spëtac młodëch ò jich òpiniã ò gardze – tak ùznelë ùrzãdnicë z miesczégò ùrzãdu.

Ùrząd Miasta Gdinie w przërëchtowanim na stolaté gardu zrëchtowôł ankétã sczerowóną do młodëch mieszkańców. Wëfùlowało jã szescset dwadzesce sétmë òsób òd sztërnôsce do dwadzesce piãc lat, a òkróm tegò bëło dzesãc indiwidualnëch wëdowiédzów. Pitania tikałë sã jich brëkòwnotów i òglowégò òbtaksowaniô jakòscë żëcégò w Gdinie. Wëszło z tegò, że młodi wësok so wôrtnią lokalizacjã nad mòrzã, dobré dzejanié miesczi kòmùnikacje, przistãp do rodë, szkół i ùczbòwniów, bezpiek i felënk jiwrów z nalézenim robòtë. Felëje za to placów do swòbódny integracje bez mùszu płaceniô abò braniô ùdzélu w zòrganizowónëch zajmach, òsoblëwie jesenią i zëmą. Młodim Gdinianóm towarzi téż wiele stresu w szkòle abò na sztudiach. Machtnym jiscënkã je téż hejt i nié wiedno jasny abò łôtwi przistãp do psychòlogiczny pòmòcë. Gard zadeklarowôł, że pòdjimie dzejania, żebë òdpòwiedzec na felënczi. Fùl rapòrt z badérowaniów mòże przeczëtac w Biuletinie Pùbliczny Infòrmacje na jinternetowi starnie Ùrzãdu Miasta w Gdinie.

Na spòdlim:
https://www.zawszepomorze.pl/artykul/24580,gdynia-pod-lupa-mlodziezy-raport-ktory-daje-do-myslenia
https://radiogdansk.pl/wiadomosci/region/trojmiasto/2026/01/31/hejt-i-brak-przestrzeni-do-integracji-mlodziez-z-gdyni-zglasza-problemy/

Źródło i opracowanie własne