Amerikańskô delegacjô w Rijadze gôdała z Ùkrajińcama w niedzelã, a z Ruskama w pòniedzòłk. Szło ò przëjãcé rozrzeszeniów dlô zawieszeniô barnie.
W niedzelã i pòniedzôłk, dwadzestégò trzecégò i dwadzestégò czwiôrtégò strëmiannika, w stolëcë Saùdijsczi Arabie, Rijadze, dérowałë rozmòwë midzë delegacjama Ùkrajinë, Zjednónëch Stanów a Rusczi. Starnë próbòwałë wërobic normë dlô zawieszeniô barnie w wòjnie midzë Ùkrajiną a Ruską. Kòmùnikatë z pòtkaniô dałë do wiadë, że delegacje Stanów, Ùkrajinë i Rosje zgòdzëłë sã zagwësnic bezpieczną żeglôrkã, skùńczëc z brëkòwanim sëłë i wëzwëskiwanim hańdlowëch òkrãtôw do wòjskòwëch célów na Czôrnym Mòrzu. Ùkrajińsczi minister òbarnë Rustem Ùmierow scwierdzył, że jakôlebądz rësznota rusczich òkrãtów bùten wschódnëch partów Czôrnégò Mòrza mdze mògła bëc ùznónô za złómanié pòrozmieniô, co dô Ùkrajinie prawò do samòòbarnë. Delegacje robiłë téż nad przërëchtowanim normów òkòma przińdłégò zakazu ataków na energeticzné òbiektë Ùkrajinë i Rusczi. Òbgôdczi tikałë sã téż sprowadzeniô nazôd pòjmańczików, cywilów, a téż wëwiozłëch na mùsz do Rusje ùkrajińsczich dzecy. Warënkama rusczi delegacje bëło równak zniesenié przez Amerikã niechtërnëch sankcjów na rusczé institucjé wspiérającé hańdel zbòżim.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie