Ùretónémù òbëwatelowi Wiôldżi Britanie ju nick nie grozy. Przeżił jakno jedurny z dwasta sztërdzescë dwùch sztëk lëdzy na pòkładze.
We czwiôrtk dwanôstégò czerwińca w indijsczim gardze Ahmadabad krótkò pò starce, pò wzbicym sã na sto dzewiãcdzesąt métrów w górã, rozbił sã fliger Boeing Dreamliner liniów Air India. Maszina grzimnãła w bùdink gòscyńca dlô lekarzów kòl medicznégò ùniwersytetu. Zdżinãło dwasta sztërdzescë jeden òsób – jedna przeżëła. Szterdzëscëjedenlatny Vishwashkumar Ramesh, òbëwatel Wiôldżi Britanie pòchôdający z Indiów, trafił do bòlëcë z wielnyma zrenieniama, ale wedle lékarzów jegò żëcé nie je w zagrôżbie. Strzód zabitëch bëlë òbëwatele Indiów, Wiôldżi Britanie, Pòrtugalie i Kanadë. Katastrofa Dreamlinera je pierszą, do jaczi doszło òd wëpùszczeniô tegò zortu fligra do ùżiwkù w dwa tësące jednôstim rokù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie