Atakòwnik béł strzód zabitëch – sóm ze sobą skùńcził, niglë przëszlë pò niegò antiterroriscë.
We wtórk dzesątégò czerwińca w gardze Graz w Aùstrie doszło do strzelindżi w strzédny szkòle òb czas zajmów. Wiele òsób bëło renionëch, a jednôsce zdżinãło, w tim atakòwnik, jaczi sóm sã zabił. Béł to dwadzescedwalatny dôwny ùcznia ti szkòłë, jaczégò mielë przódë w ni mãczëc. Atak zjiscył z ùżëcym zaregiatrowónégò pistola i flińtë. Zabił dzewiãc szkòłowników i szkólnégò, a sóm sã pòstrzelił w głowã w szituzu, czej ju szlë pò niegò kòmandosowie z aùstriacczich specjalnëch służbów Cobra. Dzejôł sóm, a maklewné mòtiwë nie są znóné. Pò jegò smiercë kòmandosowie i szandarzë dokładno przeszukelë szkòłã i nie nalezlë dodôwkòwëch zagrôżbów. W retënkòwi akcje brôł ùdzél Czerwiony Krziż. Na plac strzelindżi przëjachôł kanclérz Aùstrie Christian Stocker, jaczi òdwòłôł wszëtczé jinszé swòje pòtkania, a z nim ministrowie bënowëch sprôw i edukacje. Wódcë państwów nadséłają kòndolencje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie