Reklama
Jedurny mòrsczi pòrt Mòłdawie w rumùńsczich rãkach
18/02/2026 10:52
Wòdny ekspòrt ë impòrt Mòłdawsczi Repùbliczi w sétmëdzesąt procentach zanôlégô òd pòrtu nad ùscym Dunaju. Terô przejimie gò rumùńskô państwòwô wëcmanizna.
Jedurny mòłdawsczi mòrsczi pòrt Giurgiulești ù ùscégò Dunaju òd dwa tësące dwadzestégò pierszégò rokù òstôwôł miectwã Eùropejsczégò Bankù Òdbùdowë i Rozwiju, jaczi w tim rokù przejął ùkrajińską wëcmaniznã Danube Logistics. Pòd kùńc ùszłégò rokù Bank zacwierdzył przedôż pòrtu rumuńsczi państwòwi wëcmaniznie, zarządzënie pòrtu w Kònstancë w rumùńsczim parce Dobrudżë. W ùszłim tidzeniu miéwcë akcjów w pòrce delë zgòdã na zwënégòwanié geszeftu. Terô pòrt w Giurgiulești bãdze słëchôł temù w Kònstancë. Dlô Rumùnie òznôczô to ùmòcnienié swòji pòzycje w regionie. Nowi nabëtk mô strategiczné znaczenié nié blós przez swòje pòłożenié. Pòrt òbsłëgiwô sétmëdzesąt procent całégò impòrtu i ekspòrtu Mòłdawie przez wòdã. W slédnëch latach bił swòje rekòrdë, jeżlë jidze ò przejimòwanié ladënków, do dwùch miliónów tón przeladënkù na rok. Te òsëdżi fest ùrosłë pò blokadze ùkrajińsczich pòrtów nad Czôrnym Mòrzã przez Ruskã sztërë lata nazôd. Giurgiulești béł jednym z wôżniészich pòrtów, co zletcziwałë przesélënk towarów z i do Ùkrajinë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze