Òd zachòwaniô ùszłégò prezydenta i pòtencjalny reakcje kòscelnëch wëszëznów zanôlégô, czë Joe Biden nie òstónie wëłączony z Katolëcczégò Kòscoła za przëjãcé nôleżnictwa do spòlëznë wòlnomùlarzów.
Òd czile dni w Internece je trzôsk wkół ògłosu, jaczi dôł Victor Chris Major, Wiôldżi Méster farmazyńsczi Wiôldżi Lożë Prince'a Halla Stanu Pôłniowô Karolëna: Na priwatnym niedzelnym zetkanim 19. stëcznika za służbã Zjednónym Stanóm Americzi w slédnym dniu swòjégò ùrzãdowaniô prezydent Joe Biden òstôł achtniony przëznanim nôleżnictwã do Farmazynów Prince'a Halla ze wszeldżima honorama. Òznôczô to, że Joe Biden òstôł honorowim wòlnomùlarzã, bùten zwëczajny procedurë wprowôdzaniô nowëch nôleżników w krëjamnotë stowôrë. Farmazynowie Prince'a Halla to jedna z wietwiów wòlnomùlarsczi rësznotë w Zjednónëch Stanach, założonô przez afroamerikańsczégò dzejarza Prince'a Halla w 1784 rokù. Wiada ta dôwô bôczenié z pòzdrzatkù na deklarowóné wëznanié terô ju ùszłégò prezydenta USA – Biden je znóny jakno drëdżi w historie tegò kraju prezydent-katolëk, timczasã naùczanié Katolëcczégò Kòscoła bróni katolëkóm doparłãczaniô do farmazyńsczich lożów z pòzdrzatkù na doktrinalné niezgòdnoscë wòlnomùlarstwa z nôùką Kòscoła, a kònsekwencją kanoniczną mòże bëc nawetka ekskòmùnika.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie